Маладыя людзі працавалі кур’ерамі ў злачыннай групоўцы, якая зарабляе тэлефоннымі махлярствамі. Аферысты выкарыстоўваюць такую схему: тэлефануюць пад выглядам праваахоўнікаў і пераконваюць людзей «дэклараваць» наяўныя нібыта для захаванасці.

Адной з тых, хто трапіўся на такія хітрыкі, стала 70-гадовая жыхарка Лунінца. «У канцы мінулага снежня жанчына перадала аднаму з падазраваных больш за Br60 тыс. Частку сумы малады чалавек перадаў свайму змоўшчыку ў Мінску, якому неабходна было гэтыя грошы вывезці за граніцу Беларусі. Разам з тым выканаць задуманае ў іх не атрымалася, паколькі дзякуючы дзеянням супрацоўнікаў праваахоўных органаў маладыя людзі былі затрыманыя», — расказалі ў пракуратуры.

Расследуюць крымінальную справу ў Лунінецкім раённым аддзеле Следчага камітэта. Пракурор санкцыянаваў заключэнне пад варту фігурантаў з улікам абставінаў злачынства, яго цяжару і даных аб асобах падазраваных.