«Мы заўсёды напаўняем святкаванне Вялікай Перамогі асаблівым сэнсам і вялікай колькасцю мерапрыемстваў, якія праходзяць не толькі ў Мінску, але і ў кожным абласным, раённым цэнтры. Яны напоўнены сапраўднымі, прасякнутымі памяццю, высокай творчасцю нумарамі. Яны прыцягваюць да сябе моладзь, паколькі самая галоўная задача — перадаць маладым людзям наш гістарычны код, тую самую гістарычную праўду, расказаць ім пра подзвіг такіх жа маладых людзей. Іх продкі аддалі сваю маладосць, перажылі нягоды, а многія страцілі жыццё для таго, каб мы нарадзіліся і жылі на гэтай зямлі», — сказаў Уладзімір Пярцоў.

Ён падкрэсліў, што любыя мерапрыемствы, якія арганізаваны ў рамках святкавання 9 Мая — мота-, аўта-, велапрабегі, марафоны, разнастайныя выстаўкі, акцыі, — накіраваны на тое, каб захаваць гістарычную памяць і перадаць яе маладому пакаленню. «Яны пра тую вайну ведаюць толькі з кінафільмаў, кніг, падручнікаў гісторыі. Галоўнае — перадаць ім дух Перамогі, дух народа-пераможцы, які ёсць у нас, у тых, хто старэйшы», — падкрэсліў першы намеснік кіраўніка Адміністрацыі Прэзідэнта Беларусі.