Супрацоўнікі крымінальнага вышуку атрымалі аператыўную інфармацыю, што 58-гадовая магіляўчанка можа быць датычная да дзейнасці тэлефонных аферыстаў. Жанчыну затрымалі пасля перадачы грошай пацярпелай наступнага звяну ў злачынным ланцужку.

Праваахоўнікі ўстанавілі, што жанчына напярэдадні сама пацярпела ад аферыстаў па схеме замены дамафонаў. Яе запалохалі завядзеннем крымінальнай справы і пераканалі «супрацоўнічаць з праваахоўнікамі ў затрыманні махляроў». Для гэтага трэба было забраць пакеты з грашыма па двух адрасах і адвезці пасрэдніку. У Магілёве ад першай пацярпелай пасыльная атрымала Br40 тыс. у эквіваленце. Але ў Бабруйскім раёне падчас перадачы наяўных муж падманутай пенсіянеркі засумняваўся ў законнасці таго, што адбываецца, чым спалохаў кур’ера і захаваў Br60 тыс.

Падчас далейшых мерапрыемстваў сышчыкі затрымалі ў сталіцы і пасрэдніка — 33-гадовую жыхарку Гомельскай вобласці, якая збіралася перавезці грошы ў Расію.

Следчыя распачалі крымінальную справу за махлярства.