Перагаворы Беларусі і Расіі аб цане на газ знаходзяцца ў фінішнай стадыі, паведаміў міністр энергетыкі Беларусі Дзяніс Мароз, адказваючы на пытанні дэпутатаў пасля прадстаўлення праекта закона «Аб ратыфікацыі Дагавора паміж Рэспублікай Беларусь і Расійскай Федэрацыяй аб фарміраванні аб’яднанага рынку электрычнай энергіі Саюзнай дзяржавы», пра гэта паведаміла БелТА.
«У частцы газу вядуцца перагаворы. Мы дасягнулі сур’ёзнага прагрэсу ў мінулай трохгодцы і пагаднення аб фіксаванні цаны на прыродны газ для Рэспублікі Беларусь на тры гады. Сёлета гэта трохгодка заканчваецца. У цяперашні момант фінішуюць перагаворы аб фарміраванні кошту прыроднага газу для Рэспублікі Беларусь. Мы разлічваем на далейшае збліжэнне цэн на прыродны газ для спажыўцоў у Рэспубліцы Беларусь і Расійскай Федэрацыі, што ў сваю чаргу прывядзе да збліжэння кошту электрычнай энергіі, што вырабляецца на прыродным газе», — сказаў Дзяніс Мароз.
