Дакументам устаноўлены пералік міжнародных алімпіяд, пераможцы (дыпломы I, II, III ступені) якіх маюць права на залічэнне ў 2026 годзе без уступных іспытаў у ВНУ Беларусі для атрымання агульнай вышэйшай і спецыяльнай вышэйшай адукацыі, а таксама па-за конкурсам ва ўстановы адукацыі Беларусі, якія рэалізуюць адукацыйныя праграмы сярэдняй спецыяльнай адукацыі (УССА), для атрымання сярэдняй спецыяльнай адукацыі.

У гэты спіс увайшло 19 мерапрыемстваў, сярод іх — Міжнародная матэматычная алімпіяда (2026 год, Кітай), Міжнародная Мендзялееўская алімпіяда школьнікаў па хіміі (2026 год, Расія), Міжнародная фізічная алімпіяда (2026 год, Калумбія), Міжнародная біялагічная алімпіяда (2026 год, Літва), Міжнародная геаграфічная алімпіяда (2025 год, Тайланд), Міжнародная алімпіяда па навуках аб Зямлі (2025 год, Кітай), Алімпіяда школьнікаў Саюзнай дзяржавы па рускай мове і рускай літаратуры «Расія і Беларусь: гістарычная і духоўная супольнасць» (2025 год, Расія).

Таксама вызначаны пералік вучэбных прадметаў трэцяга (абласнога, Мінскага гарадскога) этапу рэспубліканскай алімпіяды па вучэбных прадметах, праведзенай Міністэрствам адукацыі ў навучальным годзе, які завяршыўся ў год прыёму. Пераможцы (дыпломы I, II, III ступені) дадзенага этапу маюць права на залічэнне ў ВНУ без уступных іспытаў на найбольш запатрабаваныя эканомікай спецыяльнасці, а таксама на большасць спецыяльнасцяў рэгіянальных ВНУ, дзе навучальны прадмет алімпіяды, з’яўляецца профільным пры паступлення (за выключэннем спецыяльнасцяў «Міжнародныя адносіны», «Міжнароднае права», «Правазнаўства», «Эканамічнае права», «Дзяржаўнае кіраванне і права», «Усходазнаўства», а таксама спецыяльнасцяў, прадметамі профільных іспытаў якіх з’яўляюцца «Творчасць» і «Фізічная культура і спорт»).

У дадзеным пераліку ўтрымліваецца 20 найменняў вучэбных прадметаў: беларуская мова і літаратура, руская мова і літаратура, англійская, нямецкая, французская, іспанская і кітайская мовы, інфарматыка, матэматыка, фізіка, астраномія, біялогія, хімія, геаграфія, гісторыя Беларусі ў кантэксце сусветнай гісторыі, грамадазнаўства, працоўнае навучанне, фізічная культура і здароўе.

Акрамя таго, пераможцам (дыпломы I, II або III ступені) VI Рэспубліканскага конкурсу прафесійнага майстэрства прадастаўлена права на залічэнне ў 2026 годзе без уступных іспытаў у ВНУ за высокія дасягненні ў асобных намінацыях гэтага конкурсу, якія адпавядаюць выбранаму профілю адукацыі. Таксама яны могуць быць залічаны па-за конкурсам у каледжы для атрымання сярэдняй спецыяльнай адукацыі пры паступленні на спецыяльнасці, якія адпавядаюць намінацыям гэтага конкурсу.

Пастанова ўступае ў сілу пасля яго афіцыйнага апублікавання.