Адбылася ўцечка персанальных даных больш за 241 тыс. кліентаў кампаніі, якая аказвае паслугі па афармленні лізінгу новых і б/к аўтамабіляў для фізічных асоб, паведамляе БелТА са спасылкай на Нацыянальны цэнтр абароны персанальных даных.
Гаворка ідзе пра кліентаў ТАА «Джэнерал лізінг», персанальныя даныя якіх 17 красавіка 2026 года выцеклі з-за несанкцыянаванага доступу да інфармацыйнай сістэмы. Аператар своечасова апавясціў асоб, закранутых інцыдэнтам.
Кліентам рэкамендуюць быць асцярожнымі і ўважлівымі ў выпадку паступлення званкоў і паведамленняў з незнаёмых нумароў.
Аператарам трэба звярнуць увагу на інфармацыйную бяспеку. Варта забяспечыць крыптаграфічную абарону даных у адпаведнасці з загадам ААЦ № 66. Важна надаць асаблівую ўвагу дыстанцыйным працоўным месцам супрацоўнікаў, якія апрацоўваюць персанальныя даныя або маюць да іх доступ.
