Паводле інфармацыі кампаніі Innospace, ракета стартавала з касмадрома Алкантара 22 снежня ў 22:13 па мясцовым часе (у 04:13 23 снежня па мінскім часе). Апарат упаў на зямлю праз 30 секунд пасля старту. Ракета ўпала ў межах бяспечнай наземнай зоны, ахвяр і дадатковых пашкоджанняў не зафіксавана, гаворыцца таксама ў паведамленні кампаніі. 

Адразу пасля старту падчас прамой трансляцыі запуску на YouTube былі бачныя языкі полымя, пасля чаго трансляцыя была перапынена. 

Ракета несла карысную нагрузку, якая ўключае пяць спадарожнікаў, прызначаных для вываду на нізкую калязямную арбіту вышынёй 300 кіламетраў. У выпадку поспеху кампанія Innospace стала б першай прыватнай паўднёвакарэйскай кампаніяй, якая вывела б на арбіту спадарожнік замоўцы. 

У двухступеньчай ракеце-носьбіце выкарыстоўваўся гібрыдны рухавік з цягай 25 тон, які прыводзіў у рух першую ступень, а другая ступень была дапоўнена рухавіком, які працуе на вадкім метане і кіслародзе. 

Запуск адкладалі тройчы з моманту першапачатковай даты, прызначанай кампаніяй на 22 лістапада.