Вучоны, які праславіўся стварэннем тэорыі адноснасці, набыў інструмент у Германіі ў сярэдзіне 1890-х гадоў, незадоўга да свайго ад’езду ў Швейцарыю для навучання ў Цюрыхскай політэхнічнай школе. У 1930-х гадах, з прыходам да ўлады нацыстаў, Эйнштэйн эміграваў у ЗША. Каб захаваць сваю маёмасць, ён пакінуў яе на захоўванне калегу-фізіку Максу фон Лаўэ. У ліку гэтых рэчаў была і яго першая асабіста набытая скрыпка, а таксама веласіпед і філасофская кніга, падораная яму бацькам.

Праз два дзесяцігоддзі фон Лаўэ перадаў гэтыя прадметы Маргарэце Хомрых з Браўншвейга, вялікай прыхільніцы спадчыны Эйнштэйна. У яе сям’і рэліквіі захоўваліся на працягу больш за 70 гадоў. Рашэнне аб продажы лота на аўкцыёне прыняла прапраўнучка Хомрых. Папярэдняя ацэнка скрыпкі складала ад 200 да 300 тыс. фунтаў (прыкладна $270-405 тыс.).

Эйнштэйн пачаў навучацца ігры на скрыпцы ў дзяцінстве па патрабаванні маці, Паўліны, і пранёс гэтае захапленне праз усё жыццё. Ён часта выконваў для сяброў творы Моцарта, Баха і Бетховена. Акрамя таго, музыка суправаджала яго ў моманты разважанняў — навуковец адзначаў, што яна дапамагала яму думаць. Усе свае скрыпкі, уключаючы прададзеную ў Англіі, ён з цеплынёй называў Ліна».