Светлагорскі ЦКК працягвае рэалізацыю стратэгіі ўстойлівага развіцця і пашырэння вытворчых магутнасцяў. У рамках інвестыцыйнай праграмы прадпрыемства плануе запуск новага сучаснага цэха па вытворчасці паперы крафт-мяшочнай мікракрапаванай у канцы 2026 года.

Праект прадугледжвае выпуск высакаякаснай паперы крафт-мяшочнай з уласнай цэлюлозы, уключаючы як бурую крафт-паперу, так і беленую крафт-паперу масай 50-110 г/м2, што дазволіць значна пашырыць асартымент прадукцыі і ўмацаваць пазіцыі прадпрыемства на ўнутраным і міжнародным рынках.

Запуск новага цэха стане важным этапам тэхналагічнага абнаўлення ААТ «Светлагорскі ЦКК». Выкарыстанне ўласнай цэлюлозы забяспечыць поўны кантроль над якасцю сыравіны і стабільнасць характарыстык гатовай прадукцыі. Укараненне сучасных тэхналогій мікракрапавання дазволіць ствараць трывалую, гнуткую і экалагічную ўпаковачную паперу, запатрабаваную ў розных галінах.
Асаблівая ўвага ў праекце нададзена экалагічным стандартам. Вытворчасць паперы крафт-мяшочнай мікракрапаванай будзе адпавядаць сучасным патрабаванням па зніжэнні ўздзеяння на навакольнае асяроддзе, што адпавядае глабальным трэндам на экалагічную ўпакоўку і ўстойлівае развіццё.

Праект новай вытворчасці цалкам адпавядае стратэгічным прыярытэтам ААТ «Светлагорскі ЦКК» па развіцці імпартазамяшчэння, павелічэнні долі прадукцыі з высокай дабаўленай вартасцю і ўмацаванні экспартнага патэнцыялу. Вытворчасць паперы крафт-мяшочнай з цэлюлозы ўласнай вытворчасці дазволіць знізіць залежнасць ад знешніх пастаўшчыкоў і павысіць канкурэнтаздольнасць прадукцыі.

Сёння Светлагорскі ЦКК наведвае Прэм’ер-міністр Аляксандр Турчын.