Метэорны паток Акварыды (Майскія Акварыды) дасягне піка актыўнасці ў ноч на 6 мая. Аб гэтым інфармуе ТАСС са спасылкай на прэс-службу Маскоўскага планетарыя.

«Метэоры Майскіх Акварыд хуткія і яркія, яны пакідаюць доўгія сляды, як у кастрычніцкіх Арыянід. Назіраць метэоры лепш за ўсё ў перадсвітальны час (з 2.00 да 4.00) удалечыні ад гарадскіх агнёў», — адзначылі ў планетарыі.

Астраномы растлумачылі, што, як правіла, гэта ўспышкі белага колеру. Спецыялісты ўказалі на дастаткова высокую хуткасць метэораў — каля 67 км/сек. Удакладняецца, што ў сярэдніх шыротах вобласць з’яўлення ўспышак на небе (радыянт) будзе бачна невысока над паўднёва-ўсходнім гарызонтам за некалькі гадзін да світання.

Паведамляецца, што крыніцай патоку з’яўляецца пылавы след, які застаўся ад каметы Галлея.