«Крылы сяброўства» Брэстчыны.
Любімае турыстамі месца неўзабаве зноў зменіцца. У 2022-2023 гадах скульптуру зубра адрэстаўравалі, зрабіўшы яе больш яркай і прыкметнай, а прылеглае месца добраўпарадкавалі: абсталявалі паркоўку, устанавілі вялікі габіён «Брэсцкая вобласць».
«Зубр на трасе М1 — месца прыцягнення. Новае аблічча гэтага месца сфарміравалася, калі зрабілі пляцоўку, паркоўку. Людзі сталі часцей спыняцца, фатаграфавацца, бавіць тут час, адпачываць. Само сабой, напрошваецца месца, дзе можна было б і перакусіць, чай, каву папіць. Мы дашлі да высновы, што трэба пабудаваць такі аб’ект. Ён там патрэбны і будзе запатрабаваны», — расказаў Андрэй СлуцкіУ Брэсцкім аблвыканкаме вырашылі, што дзякуючы будаўніцтву кавярні турыстычная лакацыя ля скульптуры зубра стане завершанай. «Каля знака мы сустракаем дэлегацыі, якія накіроўваюцца ў Брэсцкую вобласць. Таксама момант гасціннасці», — дадаў старшыня камітэта.
Рабочая назва праекта — «Крылы сяброўства». Праектныя інстытуты прапанавалі некалькі варыянтаў дызайну аб’екта прыдарожнага сэрвісу, схемы размяшчэння кафэ. «Будзем выходзіць у бліжэйшы час на дагаворныя адносіны і будаваць гэта кафэ, — адзначыў Андрэй Слуцкі. — Камень, шкло — прыродныя матэрыялы будуць спалучацца, калі разглядаць комплекс у цэлым».
Фота: virtualbrest.ru
