Выстава сабрала больш за 60 работ, якія запрашаюць у падарожжа па маляўнічых мясцінах Расіі і Беларусі. Сядзібная архітэктура, праваслаўныя храмы, некранутая прырода, сельская ідылія, нацюрморты з прадметаў сялянскага побыту — мастакоў натхняе ўсё тое, што блізка расійскаму і беларускаму гледачу.

Акрамя станковых работ у экспазіцыі можна ўбачыць і натурныя эцюды, напісаныя педагогамі і мастакамі творчай майстэрні ў час сумесных паездак на пленэры. Асаблівае месца займае выяўленчы рад, створаны па выніках падарожжаў у Магілёў. Маляўнічыя гарадскія пейзажы паслужылі зыходным пунктам для творчасці. На выставе таксама прадстаўлены і карціны, прысвечаныя гораду-герою Мінску і іншым населеным пунктам Беларусі.

Праект арганізаваны сумесна з прадстаўніцтвам Рассупрацоўніцтва ў Беларусі, Саюзам мастакоў Падмаскоўя і творчай майстэрні «Класік» (суполка мастакоў-рэалістаў, якая аб’ядноўвае як прызнаных майстроў, членаў мастацкіх саюзаў, так і адораных аўтараў-аматараў з высокім узроўнем жывапіснага пісьма).

Экспазіцыя прадоўжыцца да 1 лістапада. Пачатак адкрыцця ў 16.00.