Удакладняецца, што дадатковая загарода заклікана ўмацаваць ўжо існуючую агароджу. Новы аб’ект будзе ўключаць у сябе некалькі элементаў.

«Ён складаецца з чатырохметровай агароджы каля службовай дарогі, увянчанай калючым дротам, а таксама дадатковых віткоў дроту і двухметровай агароджы з боку лесу», — адзначаецца ў публікацыі.

Камандуючы пагранслужбай Падляшша генерал Славамір Клякотка паведаміў, што работы пачаліся адначасова ў пяці месцах. Бар’ер плануецца пабудаваць уздоўж усяго 186-кіламетровага ўчастка польска-беларускай граніцы ў Падляскім ваяводстве. Завяршыць работы маюць намер да канца вясны.