Як адзначаецца, разам з іскам Варшава падала хадайніцтва аб прыпыненні дзеяння пагаднення да вынясення рашэння Еўрапейскім судом. Польскія ўлады лічаць, што дакумент не павінен прымяняцца да завяршэння судовага разбору.

У Польшчы з самага пачатку крытыкавалі пагадненне паміж Еўрасаюзам і краінамі Паўднёвай Амерыкі. Як паведамляецца, асноўныя прэтэнзіі датычацца адсутнасці «люстраных палажэнняў» — адзіных патрабаванняў да сельгасвытворцаў краін ЕС і МЕРКАСУР. На думку Варшавы, гэта стварае канкурэнтную перавагу для паўднёваамерыканскіх аграрыяў і можа негатыўна адбіцца на еўрапейскіх фермерах.

Пагадненне аб свабодным гандлі паміж Еўрасаюзам і краінамі МЕРКАСУР было падпісанае 17 студзеня ў Парагваі. Яно ўступіла ў сілу 1 мая. Дакумент прадугледжвае стварэнне маштабнай зоны свабоднага гандлю з насельніцтвам каля 700 млн чалавек і паступовую адмену прыкладна 90 % тарыфаў у прамысловасці, сферы паслуг і сельскай гаспадарцы. Падтрымку пагадненню выказалі, у прыватнасці, Германія і шэраг краін Паўночнай Еўропы, зацікаўленыя ў пашырэнні доступу сваёй прадукцыі на рынкі Паўднёвай Амерыкі.

Супраць пагаднення, акрамя Польшчы, раней выступілі Францыя, Венгрыя, Аўстрыя і Ірландыя. Дэпутаты Еўрапарламента 21 студзеня прынялі рэзалюцыю ў падтрымку звароту ў суд ЕС на прадмет адпаведнасці нормам Еўрасаюза пагаднення аб свабодным гандлі з МЕРКАСУР.