Важная задача — рэалізаваць усе дамоўленасці, дасягнутыя паміж лідарамі Беларусі і Кітая. Такі пункт гледжання выказаў намеснік начальніка Дэпартамента па замежных справах МЗС КНР Яа Шаацзюнь на сустрэчы з беларускімі журналістамі, каменціруючы вынікі візіту ў Мінск віцэ-прэм’ера Дзяржсавета Лю Гачжуна, паведамляе БелТА.
«Для таго, каб рэалізаваць беларуска-кітайскія дамоўленасці на вышэйшым узроўні, бакі павінны на розных узроўнях і па розных напрамках каардынаваць узаемадзеянне, абменьвацца візітамі. У 2024 годзе прэм’ер Дзяржаўнага савета КНР Лі Цян паспяхова ажыццявіў візіт у Беларусь», — адзначыў Яа Шаацзюнь.
«Цяпер намеснік прэм’ера Лю Гачжун пабываў з візітам у Беларусі. Пастаянны абмен дэлегацыямі на такім высокім узроўні даказвае, што адносіны паміж нашымі краінамі сапраўды знаходзяцца на ўзроўні ўсепагоднага і ўсебаковага стратэгічнага партнёрства», — падкрэсліў намеснік начальніка Дэпартамента па замежных справах МЗС Кітая.
Ён выказаў упэўненасць, што па выніках візіту істотна актывізуецца беларуска-кітайскае супрацоўніцтва, асабліва ў галіне прамысловасці.
