У вышэйшую ступень гатоўнасці 38-я брыгада ў адпаведнасці з планам праверкі УС па рашэнні кіраўніка дзяржавы была прыведзена 10 лютага. На першым этапе падраздзяленні здалі экзамен па тактыка-спецыяльнай падрыхтоўцы. Затым пачалася ацэнка рэзультатаў па агнявой і фізічнай падрыхтоўцы.

«Выканалі шэраг тактычных нарматываў, задач. Справіліся з імі паспяхова. Пачалі правядзенне кантрольных заняткаў па агнявой і фізічнай падрыхтоўцы. Учора на выдатна здалі практыкаванні па фізічнай падрыхтоўцы. Падцягванне здавалі ў баявых умовах на свежым паветры. Інакш у дэсантнікаў не павінна быць. Сёння ў нас праводзіцца марш-кідок на 5 км з поўнай экіпіроўкай. Заўтра прадаўжаем кантрольныя заняткі па агнявой падрыхтоўцы — стрэльбы з БТРаў, стралковай зброі днём і ноччу. Па выніках будзе даложана кіраўніку дзяржавы рэальная карціна», — сказаў Сяргей Купрык.

Ён ацаніў боегатоўнасць брэсцкіх дэсантнікаў. «Адназначна можна сказаць: і часці, і падраздзяленні, правяраемыя, гатовы да выканання задач», — падкрэсліў саветнік дзяржаўнага сакратара Савета бяспекі.

На дні праверкі прыпала няўстойлівае надвор’е, якое праявіла сябе марозам, снегам, адлігай, дажджом, туманам, галалёдам. Сегей Купрык акцэнтаваў увагу, што гэта ні ў якім разе не павінна ўплываць на выкананне задач ваеннаслужачымі. «Калі будзе дрэннае надвор’е, мы не будзем абараняць Радзіму? Пытанне так не стаіць. У любых умовах абстаноўкі мы павінны выконваць пастаўленыя задачы», — адзначыў саветнік дзяржсакратара Савета бяспекі.

Як паведамлялася БелТА, маштабная праверка Узброеных Сіл па даручэнні Прэзідэнта Беларусі пачалася 16 студзеня. Першачарговая мэта — убачыць аб’ектыўную карціну, рэальны стан войскаў, ацаніць дзеянні ваеннаслужачых.