Дэпутаты Віцебскага аблсавета разам з членамі Савета Рэспублікі і Палаты прадстаўнікоў, кіраўніцтвам Бешанковіцкага раёна і народнымі выбраннікамі мясцовага райсавета далучыліся да рэспубліканскай дабрачыннай акцыі «Дай лесу новае жыццё».
Яны змянілі дзелавыя касцюмы на рабочае адзенне, узброіліся мячамі Колесава і дружна ўзяліся за справу. Дарэчы, з галоўным ручным інструментам лесаводаў многія мужчыны знаёмыя даўно, падрастае не адзін бор, пасаджаны пры іх удзеле.
Сіламі некалькіх дзясяткаў чалавек на плошчы 1,2 га каля вёскі Мількавічы пасаджаны сеянцы бярозы і сасны. Праз некалькі гадоў на гэтым месцы падрасце змешаны лес.
Святлана ЯКАЎЛЕВА
Фота з адкрытых крыніц
