Мерапрыемства наведалі генеральны сакратар НАК, член камісіі ЕС і міжнародных адносін Еўрапейскіх алімпійскіх камітэтаў (ЕАК) Ксенія Санковіч і прэс-сакратар НАК, член камісіі па камунікацыях ЕАК Паліна Ігнаценка. Усяго на сустрэчу былі запрошаны каля 300 удзельнікаў з 49 краін кантынента. Вечар спорту — магчымасць абмяняцца думкамі і вопытам з лідарамі і прадстаўнікамі алімпійскага руху, у тым ліку з членамі камісій ЕАК.

У якасці асноўнага дакладчыка мерапрыемства з прамовай да прысутных звярнулася прэзідэнт Міжнароднага алімпійскага камітэта Кірсці Ковентры. «Мы ведаем, што спорт прыносіць грамадству рэальную карысць. Даследаванні паказалі, што спорт — самы эфектыўны і пры гэтым недарагі інструмент, які ў нас ёсць. Ён умацоўвае адукацыю, падтрымлівае суполкі, паляпшае здароўе і садзейнічае інклюзіўнасці», — адзначыла кіраўнік МАК.