Мерапрыемства, якое традыцыйна збірае палітыкаў, экспертаў, дыпламатаў, кіраўнікоў найбуйнейшых кампаній і журналістаў з Захаду і Усходу, 14 гадоў праходзіла ў італьянскай Вероне — нават у самы разгар пандэміі COVID-19. Аднак геапалітычныя рэаліі прымусілі арганізатараў змяніць традыцыйнае месца правядзення форуму. У 2022 годзе ён упершыню прайшоў не ў Італіі, а ў сталіцы Азербайджана Баку, затым яго прымалі ўзбекскі Самарканд і эмірат Рас-эль-Хайма (ААЭ). Другі год запар форум праходзіць у турэцкім Стамбуле. У мінулым годзе ён сабраў больш за тысячу ўдзельнікаў з 33 краін.

На цяперашнім мерапрыемстве, дэвіз якога «Мастацтва інавацый», у рэчышчы цэнтральнай тэмы «Выклікі зменлівага свету і зменлівай эканомікі» пройдуць дыскусіі аб эканамічным супрацоўніцтве, інвестыцыях, фінансах, лагістыцы і энергетыцы ва ўмовах сучаснай геапалітыкі, тэхналогіях і штучным інтэлекце, турызме і інш.

Форум арганізуюць некамерцыйная асацыяцыя «Пазнаём Еўразію», заснаваная ў Вероне, і фонд «Раскангрэс».