Па словах Алены Маргуновай, большасць з новых заявак датычацца тавараў са сферы машынабудавання. Рыхтуецца разгляд прадукцыі легпрама, перш за ўсё тканін. Яшчэ ёсць узоры станкоў, дзе доля беларускай і расійскай вытворчасці дасягае 100 %.

Чакаецца, што новыя сертыфікаты, якія пацвярджаюць прыналежнасць да тавараў Саюзнай дзяржавы, могуць быць уручаны падчас выставы «Інапрам. Беларусь» у Мінску з 30 верасня па 2 кастрычніка.

Старшыня Дзяржстандарту дадала, што пастаянны камітэт Саюзнай дзяржавы і Міністэрства эканомікі Беларусі і Расіі прапрацоўваюць ільготы і прэферэнцыі для ўладальнікаў гэтага статусу, каб яго наяўнасць была выгадна яшчэ і эканамічна.

Першымі таварамі Саюзнай дзяржавы сталі вырабленыя ў Беларусі аўтобус МАЗ і кар’ерны самазвал БЕЛАЗ.

Для надання гэтага статусу павінны выконвацца ўмовы. Першая — лакалізацыя (доля беларускіх і расійскіх кампанентаў у прадукце — мінімум 50 %). Другая і трэцяя — дакументальнае пацвярджэнне паходжання тавару і яго адпаведнасць саюзным стандартам. Беларускія прадпрыемствы падаюць заяўку ў беларускую Гандлёва -прамысловую палату, расійскія — у ГПП Расійскай Федэрацыі. Там правяраюць прадукт, пасля чаго накіроўваюць дакументы ў Дзяржстандарт альбо Расстандарт для фінальнай верыфікацыі і выдачы дазволу. Прыём заявак працягваецца.