Асацыяцыя актыўна займаецца дабрачыннасцю. «Супрацоўнічаем з прадпрыемствамі: за мінулы год аказалі шматдзетным сем’ям дапамогу амаль на 1 млн бел. руб. — адзенне, абутак, прадукты, дзіцячае харчаванне, медыкаменты, усё неабходнае», — расказала старшыня грамадскай арганізацыі Таццяна Краўчанка.

Акрамя гэтага, летась БАШБ праводзіла мерапрыемствы з урачом-анколагам Нінай Антоненкавай у Бараўлянах. «Яна аглядала нашых шматдзетных мам. Думаю, у гэтым годзе працягнем гэтую працу — Ніна Мікалаеўна вельмі пазітыўна адгукнулася на нашу прапанову, за што мы ёй вельмі ўдзячныя. Не кожная шматдзетная мама можа дазволіць сабе агляд спецыялістаў, дыспансерызацыю і ўсё астатняе», — патлумачыла старшыня.