Начальнік Мінскага раённага аддзела па надзвычайных сітуацыях Максім Шыхалёў адзначыў, што ў рамках акцыі па забеспячэнні бяспекі асаблівая ўвага надаецца катэгарыраваным грамадзянам, якія маюць патрэбу ў дадатковай сацыяльнай абароне. У першую чаргу, гэта адзінокія людзі, інваліды і шматдзетныя сем’і: «Сёння ў Мінскім раёне назіраецца ўскладненне аператыўнай абстаноўкі з пажарамі і гібеллю людзей. Па стане на 25 сакавіка ўжо адбылося 89 пажараў, у якіх загінула 7 чалавек. З улікам існуючай абстаноўкі мы актывізавалі прафілактычную работу. Задзейнічаны як работнікі раённага аддзела па надзвычайных сітуацыях, так і прадстаўнікі іншых суб’ектаў прафілактыкі. Работа арганізавана на штодзённай аснове. Улічваючы кампетэнцыю кожнага суб’екта прафілактыкі, адпрацоўваюцца адпаведныя катэгорыі. І, натуральна, у выпадку неабходнасці прымаюцца аператыўныя меры па інфармаванні зацікаўленых бакоў для прыняцця адпаведных мер».

Аналіз статыстыкі пажараў паказвае, што асноўныя прычыны іх узнікнення застаюцца нязменнымі, і ключавым з’яўляецца чалавечы фактар. Так, у выніку парушэння правілаў эксплуатацыі электраабсталявання адбыліся 44 выпадкі ўзгарання; з-за парушэння правілаў мантажу і эксплуатацыі ацяпляльнага абсталявання — 23 выпадкі; з-за неасцярожнае абыходжанне з агнём — 13 выпадкаў і яшчэ 6 выпадкаў па іншым прычынам.

У вёсцы Кайкава ратавальнікі наведалі дом Віталя Міхайлавіча, што выглядае добра звонку. Аднак пры ўваходзе ўнутр дома і больш блізкім знаёмстве з яго жыхарамі можна выявіць мноства праблем. Віталь — інвалід I-й групы, жыве з сужыцелькай, ёсць праблемы з алкаголем, што прыцягвае ўвагу сацыяльных службаў і работнікаў МНС. У памяшканні ўстанавілі два аўтаномныя пажарныя апавяшчальнікі. Работнік МНС таксама нагадаў гаспадару дома, што ў ложку нельга курыць, таксама як і спальваць смецце на прыдамавой тэрыторыі. 

Пажарная бяспека — гэта не проста абавязак, а важны складнік жыцця кожнага з нас. Для Зоі Сурэнаўны гэта стала законам жыцця. Адзінока пражываючая пенсіянерка, якая не мае ні дзяцей, ні блізкіх сваякоў, нядаўна адзначыла свой 80-гадовы юбілей. Нягледзячы на ўзрост, яна з клопатам і ўвагай падтрымлівае парадак у сваім доме, строга выконваючы ўсе патрабаванні пажарнай бяспекі. Звярнуўшыся да работніка МНС, Зоя Сурэнаўна папрасіла прымацаваць пажарны апавяшчальнік на столі, раней ён размяшчаўся на шафе. Печ і электраправодка ў яе доме знаходзяцца ў бездакорным стане. Адказнасць гэтай жанчыны служыць добрым прыкладам для моладзі, паказваючы, як важна клапаціцца пра бяспеку свайго жылля і навакольных.

«Больш дысцыплінаваныя пенсіянеры. Калі ім кажуць, што нешта неабходна зрабіць для бяспекі, што гэта сапраўды можа выратаваць жыццё, яны з вялікай увагай ставяцца да такіх рэкамендацый. Моладзь, наадварот, часам можа ўспрымаць гэта легкадумна, думаючы: „Навошта нам гэта? Мы ўсё ведаем“. А пенсіянеры праяўляюць вялікую адказнасць і дысцыпліну ў такіх пытаннях», — падкрэсліла Ала Слабко, інспектар тэрытарыяльнага цэнтра сацыяльнага абслугоўвання насельніцтва Мінскага раёна.

Старшыня Міханавіцкага сельскага Савета Святлана Давальцова — вядомы чалавек у раёне. Для яе гэта не проста работа, гэта жыццёвая пазіцыя: якасць нашага жыцця залежыць ад якасці кожнага з нас, і з гэтым яна прыходзіць у дамы да сваіх падапечных. «Узаемадзеянне ў нас стала больш цесным і якасным, таму што кожны імкнёцца вывесці сваю катэгорыю грамадзян на той узровень бяспекі, які дыктуюць наш Прэзідэнт і нашы заканадаўчыя і нарматыўныя акты», — адзначыла старшыня сельсавета.
Ратавальнікі імкнуцца данесці жыццёва важную інфармацыю да кожнага грамадзяніна, незалежна ад узросту ці сацыяльнага становішча. Гэта важна для прадухілення трагедый і захавання бяспекі ў кожным доме і сям’і. Галоўная задача работнікаў МНС Прысталічча — зрабіць так, каб кожны жыхар адчуваў сябе абароненым і ведаў, як дзейнічаць у любой надзвычайнай сітуацыі. «Бо бяспека — гэта наш агульны клопат!» — падкрэсліваюць у МНС.

Фота МНС