Міністр адзначыў, што з паніжэннем тэмпературнага рэжыму восенню насельніцтва пачынае больш актыўна выкарыстоўваць як дрывяныя печы, так і абагравальныя прыборы, якія працуюць на электрычнасці. «Чакаем сур’ёзнае ўскладненне сітуацыі з пажаранебяспекай і паслядоўна выконваем комплекс прафілактычных мер, накіраваных на недапушчэнне пажараў у жыллі грамадзян. Літаральна заўтра адбудзецца чарговая аператыўная нарада, звернем увагу на здольнасць нашых падраздзяленняў у правядзенні гэтых мерапрыемстваў», — расказаў Вадзім Сіняўскі.

Паводле яго слоў, у першую чаргу ў час прафілактычных мерапрыемстваў удзеляць увагу і пры неабходнасці акажуць дапамогу адзінока пражываючым пажылым людзям, шматдзетным сем’ям. На асаблівым кантролі таксама катэгорыя грамадзян, якія злоўжываюць алкаголем, чые паводзіны ствараюць дадатковыя рызыкі ўзнікнення надзвычайных сітуацый.