Як высветлілася, такую выплату работнікі арганізацыі не атрымлівалі ні ў мінулым, ні ў бягучым годзе. Пры гэтым калектыўным дагаворам прадпрыемства прадугледжаны абавязак наймальніка адзін раз у каляндарным годзе пры прадастаўленні працоўнага водпуску (часткі водпуску) ажыццяўляць выплату на аздараўленне ў памеры 0,5 тарыфнага акладу (тарыфнай стаўкі).

У час размовы з працоўным калектывам галоўны прававы інспектар працы Беларускага прафсаюза работнікаў ЖКГ і сферы абслугоўвання Наталля Грышкова высветліла, што наймальнік тлумачыў адсутнасць выплат няпростым фінансавым становішчам арганізацыі.

— Разам з тым дакументальнага пацверджання адсутнасці сродкаў не было. Тыя нормы, якія замацаваны ў калектыўным дагаворы і падпісаны бакамі, з’яўляюцца абавязковымі для выканання. Адмова ад узятых абавязацельстваў магчыма толькі пры наяўнасці аб’ектыўных прычын і з захаваннем устаноўленай працэдуры, — патлумачыла Наталля Грышкова.

Яна адзначыла, што Генеральным пагадненнем сапраўды прадугледжана магчымасць часовага прыпынення асобных палажэнняў калектыўнага дагавора. Аднак такое рашэнне павінна прымацца выключна па пагадненню бакоў і з абавязковым вызначэннем тэрмінаў прыпынення і парадку аднаўлення дзеяння адпаведных норм. У дадзеным выпадку ніякіх працэдур па прыпыненні дзеяння палажэнняў калектыўнага дагавору не праводзілася. Такім чынам, усе прадугледжаныя гарантыі павінны былі выконвацца ў поўным аб’ёме.

Па выніках маніторынгу ў адрас кіраўніцтва арганізацыі была накіравана рэкамендацыя аб устараненні парушэння і неабходнасці правесці работнікам аднаразовыя выплаты на аздараўленне.
Трэба адзначыць, што ў канструктыўным дыялогу пытанне аператыўна вырашылася і работнікам зрабілі належныя выплаты на агульную суму звыш 6,6 тысяч рублёў.

Алена КРАВЕЦ