Старшыня Беларускага прафсаюза работнікаў адукацыі і навукі Таццяна Якубовіч наведала 15 хлапчукоў і дзяўчынак, якія знаходзяцца зараз у цэнтры. Напярэдадні свята юнакі і дзяўчаты напісалі лісты, у якіх падзяліліся сваімі самымі патаемнымі жаданнямі. Прафсаюз дапамог гэтым марам спраўдзіцца.

Кожнае дзіця атрымала менавіта тое, пра што марыла: смарт-гадзіннік, стыльныя спартыўныя касцюмы і красоўкі, развівальныя гульні і яркія лялькі, цацачныя машынкі і трактары.

Самаму малодшаму падапечнаму цэнтра споўнілася ўсяго 2 гады, а старэйшаму — 16 гадоў. Але падарункі і ўвага знайшліся для кожнага.
Афіцыйная частка хутка перарасла ў шумнае свята. Выхаванцы цэнтра спявалі, танцавалі і чыталі вершы.

Сапраўднае захапленне выклікала з’яўленне Мудрай Савы — сімвала галіновага прафсаюза. У вобразе вялізнай раставой лялькі выступіў галоўны спецыяліст і намеснік старшыні Маладзёжнага савета Ілья Агрэніч. Ён падарыў рабятам мора ўсмешак і шчырай радасці.

— Кожная такая сустрэча пакідае глыбокі след у душы. Прыязджаючы да рабят у Дзяржынск, я заўсёды адчуваю велізарнае жаданне акружыць іх клопатам, абняць і падарыць тое цяпло, якога ім цяпер так не хапае. У іх лістах не было завоблачных просьбаў — яны марылі аб простых дзіцячых радасцях: ляльках, машынках, прыгожых красоўках. І як жа трапятліва было збіраць гэтыя падарункі, ведаючы, што за кожным з іх стаіць маленькае дзіцячае чаканне цуду! Бачыць сёння іх радасныя вочы, чуць іх шчыры смех, калі яны спявалі і танчылі, — велізарнае, ні з чым не параўнальнае шчасце, — адзначыла старшыня Беларускага прафсаюза працаўнікоў адукацыі і навукі Таццяна Якубовіч.

Прадстаўнікі прафсаюза наведваюць шматдзетныя і малазабяспечаныя сем’і, аказваюць дапамогу дзецям, якія засталіся без апекі бацькоў або апынуліся ў цяжкай жыццёвай сітуацыі, арганізоўваюць забаўляльныя і пазнавальныя мерапрыемствы.

Алена КРАВЕЦ.