Па традыцыі ў апошні чацвер месяца прафсаюзныя юрысты непасрэдна ў рэгіёнах — у арганізацыях і на прадпрыемствах — акажуць грамадзянам кваліфікаваную юрыдычную дапамогу па пытаннях, звязаных з працоўнымі адносінамі. Час і месца выязнога прававога прыёму можна даведацца на афіцыйным інтэрнэт-партале ФПБ.
Як расказалі ў прэс-службе ФПБ, выязныя прававыя прыёмы — гэта запатрабаваная практыка. Толькі са студзеня па май бягучага года на прававы прыём звярнуліся звыш 2,6 тысячы чалавек. Тэматыка зваротаў розная, але большая частка з іх звязана з працоўным заканадаўствам. Гэта прадаўжэнне працоўных адносін, прадастаўленне працоўных і сацыяльных водпускаў, выплаты па калектыўных дагаворах.
Трэба адзначыць, што прафсаюзныя спецыялісты на пастаяннай аснове кансультуюць і прымаюць ад грамадзян звароты па пытаннях, звязаных з працоўнай дзейнасцю. Напрыклад, паступаюць пытанні, што датычыцца рэжыму працоўнага часу, своечасовасці і паўнаты разліку з работнікамі. Таксама грамадзян цікавяць дадатковыя гарантыі маладым спецыялістам, магчымасці адпачынку і аздараўлення, ільготы ад прафсаюза. Прыходзяць пытанні і ад работнікаў, якія не з’яўляюцца членамі прафсаюза, але ў той жа час жадаюць атрымліваць дадатковыя гарантыі, вызначаныя ў калдагаворы. У кожным выпадку прафсаюзныя спецыялісты імкнуцца даць вычарпальны адказ.
Нагадаем, што адначасова з прававымі прыёмамі ў працоўных калектывах праводзяцца дні прававой асветы і прававой культуры, падчас якіх работнікам непасрэдна на працоўных месцах прафсаюзныя юрысты тлумачаць найбольш актуальныя прававыя пытанні. За 5 месяцаў з пачатку гэтага года ў такіх мерапрыемствах прынялі ўдзел каля 17 тысяч чалавек.
Нагадаем, акрамя выязных прыёмаў, можна атрымаць дапамогу ад прафсаюзных юрыстаў па тэлефоне, прыйсці на асабісты прыём, пакінуць пісьмовы зварот або звярнуцца праз спецыяльны сэрвіс на інтэрнэт-партале ФПБ. Акрамя таго, звароты прымае і Міжгаліновы маніторынгавы цэнтр ФПБ, спецыялісты якога працуюць штодзень з 8.00 да 20.00. Званок бясплатны — 8 801 100 1111.
Алена КРАВЕЦ
