У цэлым ахоплены 12 санаторыяў, а таксама базы адпачынку, размешчаныя ва ўсіх рэгіёнах краіны.
Тэрыторыя кожнага аб’екта для адпачынку і аздараўленні займае некалькі гектар — гэта лясныя ўгоддзі, прыбярэжныя зоны, якія ў гэтую восеньскую пару патрабуюць асаблівай увагі. Дапамога прафсаюзнага працоўнага дэсанту дазваляе максімальна хутка навесці неабходны парадак, каб у любую пару года і пры любым надвор’і людзі маглі адпачываць у камфортных умовах і атрымліваць асалоду ад прыгажосці нашай прыроды.
Як адзначыў дырэктар прафсаюзнага санаторыя Канстанцін Шпектараў, загрузка ў здраўніцы на сённяшні дзень больш за 90%. Сярод адпачывальнікаў — грамадзяне Беларусі, Расіі і іншых краін, якія прыязджаюць не толькі па працэдуры і іншыя паслугі, але і каб атрымаць асалоду ад беларускай прыроды.
— Мы рады любой дапамозе. Асабліва каштоўнае для нас супрацоўніцтва з прадстаўнікамі ФПБ і прафактывам у агульнай працы — гэта гуртуе. Гэта не толькі рэальны ўклад у паляпшэнне экалогіі і навядзенне парадку на тэрыторыі санаторыя, але і выдатны спосаб умацаваць камандны дух і пагутарыць у нефармальнай абстаноўцы, — падкрэсліў дырэктар санаторыя.
Нягледзячы на ўмовы надвор’я, якія ўносілі ў графік карэктывы, прафсаюзны працоўны дэсант сёння працуе ў розных кутках краіны. Удзельнікі суботніка займаюцца ўборкай тэрыторыі, рамонтам малых архітэктурных форм, добраўпарадкаваннем зон адпачынку, спартыўных і гульнявых пляцовак.
— Важна прымаць удзел у такіх мерапрыемствах. Мы гэта робім на пастаяннай аснове. Нават нягледзячы на сённяшні дождж, мы з добрым настроем прыступілі да ўборкі, гатовыя і далей уносіць свой уклад у агульную справу, — адзначыла галоўны спецыяліст фінансава-эканамічнага ўпраўлення ФПБ Алена Дзянісава.
— Сёння суботнік праходзіць на базе санаторыяў. Я тут упершыню. Атрымалася не толькі добра папрацаваць, але і паглядзець на саму здраўніцу. Вельмі прыгожа тут. Упершыню для сябе задумалася аб тым, што абавязкова варта свой восеньскі водпуск аднойчы правесці ў санаторыі. Залатая восень вельмі спрыяе таму, каб адпачываць, атрымліваць асалоду ад прыроды і зараджацца новай энергіяй, — падзялілася ўражаннямі галоўны спецыяліст упраўлення міжнароднага супрацоўніцтва ФПБ Дыяна Зайкоўская.
Трэба адзначыць, што кожны год толькі ў санаторыях сістэмы ФПБ праходзяць аздараўленне каля 140 тысяч чалавек. Гэта члены прафсаюзаў, работнікі прадпрыемстваў і арганізацый краіны, а таксама замежныя госці, для многіх з якіх знаёмства з Беларуссю пачынаецца менавіта з прафсаюзных санаторыяў. Каб працоўныя, а таксама турысты з іншых краін адпачывалі ў максімальна зручных і камфортных умовах, нацыянальным прафцэнтрам праводзіцца вялікая работа па рамонце, абнаўленні матэрыяльна-тэхнічнай базы гэтых аб’ектаў, вядзецца закупка новага медыцынскага і аздараўленчага абсталявання і інш.
Алена КРАВЕЦ
