Прагрэсіўную шкалу падаходнага падатку могуць перагледзець у Беларусі. Гэта прадугледжана законапраектам «Аб змяненні законаў» (па пытаннях падатковых праваадносін), які прыняты сёння дэпутатамі ў першым чытанні, паведамляе БелТА.
Як адзначыў міністр фінансаў Юрый Селіверстаў, прадстаўляючы законапраект, захаваны падыход па далейшай дыферэнцыяцыі падаходнага падатку, у прыватнасці, увядзенне трэцяй стаўкі 40 % пры даходах звыш Br600 тыс. у год. Памер гэтай стаўкі зараз актыўна абмяркоўваецца з профільнай камісіяй Палаты прадстаўнікоў, удакладніў ён.
«Пры даходах да Br350 тыс. у год захоўваецца базавая стаўка 13 %, сёння гэта Br220 тыс. Гэта абсалютная большасць нашых грамадзян, больш за 98 %», — адзначыў міністр.
Пры даходах ад Br350 тыс. да Br600 тыс. прымяняецца дзеючая стаўка — 25 % да сумы перавышэння. І толькі пры даходах звыш Br600 тыс. прапануецца прымяняць новую павышаную стаўку ў 40 %, зноў жа — да сумы перавышэння.
Па даных Міністэрства па падатках і зборах, пад новую стаўку трапіць каля 1 тыс. чалавек. Дадатковы эфект для мясцовых бюджэтаў ацэньваецца каля Br150 млн пачынаючы з 2027 года.
