У ходзе маніторынгу інтэрнэту пракуратура Савецкага раёна Мінска выявіла факты незаконнай рэалізацыі лекавых сродкаў на двух беларускіх маркетплейсах і запатрабавала неадкладна ліквідаваць выяўленыя парушэнні.

Як удакладнілі ў службе, згодна з ч.2 арт.24 закона Рэспублікі Беларусь «Аб абарачэнні лекавых сродкаў», рознічны продаж медыкаментаў ажыццяўляецца толькі ў аптэках, за выключэннем выпадкаў, прадугледжаных гэтым законам.

У ходзе маніторынгу было ўстаноўлена, што некаторыя пастаўшчыкі, якія не ўваходзяць у названы пералік, прапаноўвалі медыкаменты да продажу праз маркетплейсы. У выніку пракурор Савецкага раёна Мінска выдаў прадпісанні кіраўнікам дзвюх юрыдычных асоб з патрабаваннем устараніць парушэнні.