На тэрыторыі Рудзенскага лясніцтва ў Пухавіцкім раёне ўдзельнікі акцыі высадзяць больш за 10 тыс. саджанцаў алешыны і елкі на ўчастку плошчай звыш 3 га, дзе раней правялі санітарную высечку. 

Свой участак работы вызначылі і супрацоўнікі Беларускага тэлеграфнага агенцтва. 

«Нам прыемна, што наша інфармацыйная каманда ў 90 чалавек робіць уклад у развіццё лясной гаспадаркі. Бо лес — гэта наша багацце. Удзел у такім важным працэсе прымушае чалавека ганарыцца, ён гэтым у добрым сэнсе слова хваліцца і дае пэўны прыклад», — падзяліўся меркаваннем першы намеснік міністра інфармацыі Дзяніс Езерскі.

Акцыя працягнецца ў Беларусі да 24 кастрычніка. Прыняць удзел у лесааднаўленчых работах могуць усе ахвочыя. Пасадачным матэрыялам і неабходным інвентаром забяспечаць лесаводы.