Як начальнік УУС Гомельскага аблвыканкама Аляксандр Шастайла, з пачатку года на тэрыторыі рэгіёна праведзена пяць прафілактычных мерапрыемстваў і дзесяць узмоцненых адпрацовак дарог, за час якіх зафіксавана 33 тысячы парушэнняў Правілаў дарожнага руху. За першы месяц бягучага года на Гомельшчыне адбылося 28 ДТЗ. Зарэгістраваны рост загінуўшых у іх грамадзян у параўнанні з мінулым годам, удалося прадухіліць рост колькасці пацярпелых.  

Кіраўнік ведамства ў рэгіёне падкрэсліў, што праваахоўнікі Гомельшчыны праводзяць кругласутачны маніторынг стану дарог і вуліц. Праблемных пытанняў па зімовым утрыманні не выяўлена, у той жа час вызначаны шэраг участкаў з дэфектамі дарожнага палатна. 

Між тым вынікі аператыўна-службовай дзейнасці праваахоўнікаў Гомельшчыны ў 2024 годзе былі разгледжаны на калегіі УУС з удзелам першага намесніка Міністра ўнутраных спраў — начальніка міліцыі грамадскай бяспекі Юрыя Назаранкі. 

дзін з адзначаных кірункаў па выніках дзейнасці ведамства за мінулы год — забеспячэнне аховы грамадскага парадку і дарожнай бяспекі пры правядзенні больш за 13 тысяч значных грамадска-палітычных і масавых мерапрыемстваў, у тым ліку падчас адзінага Дня галасавання ў рамках электаральнай кампаніі 2024 года, святкавання 80-й гадавіны вызвалення Беларусі ад нямецка-фашысцкіх захопнікаў, абласнога фестывалю-кірмашу працаўнікоў вёскі «Дажынкі-2024» з удзелам Кіраўніка Дзяржавы.

Было адзначана развіццё рэспубліканскай сістэмы маніторынгу грамадскай бяспекі. Эфектыўны механізм забеспячэння бяспекі грамадства, устанаўлення правапарушальнікаў, кантролю за аператыўнай абстаноўкай у рэгіёне — сродкі відэаназірання ў месцах масавага знаходжання грамадзян, вуліц і дарог. У мінулым годзе з дапамогай гэтай сістэмы раскрыта 274 злачынствы, сярод якіх шэраг асабліва цяжкіх.

Сярод задач, пастаўленых праваахоўнікам вобласці ў бягучым годзе, — нарошчванне работы па прафілактыцы злачынстваў і правапарушэнняў, якія ўчыняюцца грамадзянамі ў стане алкагольнага ап’янення і ў сямейна-бытавой сферы. Асаблівая ўвага — папярэджанню злачынстваў з боку непаўналетніх і замежных грамадзян.

Фота УУС Гомельскага аблвыканкама