«Працягваецца праверка Узброеных Сіл, іншых структур ваеннай арганізацыі дзяржавы. Нядаўна мы завяршылі праверку Міністэрства ўнутраных спраў. Літаральна на мінулым тыдні быў раптоўна правераны адзін з танкавых батальёнаў механізаванай брыгады. Дарэчы, з задачамі справіліся даволі добра. Больш дэталёвы аналіз яшчэ ідзе. Яго вынікі будуць даложаны Прэзідэнту. Сёння на чарзе — ВПС і войскі СПА», — сказаў Аляксандр Вальфовіч. 

Дзяржсакратар Савета Бяспекі адзначыў, што праверку праходзіць адзін з найважнейшых відаў Узброеных Сіл. «Ваенна-паветраныя сілы і войскі СПА і ў мірны час выконваюць задачы баявога дзяжурства, аховы паветраных межаў не толькі нашай краіны, але і знешняга перыметра Саюзнай дзяржавы. Таму яны павінны заўсёды быць гатовы выканаць задачы, якія раптоўна ўзнікаюць, прыкрыць крытычна важныя аб’екты», — адзначыў ён.