На палігоне праходзяць заняткі з афіцэрамі запасу, якія напярэдадні прыбылі ў воінскую часць. Яны ўдасканальваюць навыкі па асноўных прадметах баявой падрыхтоўкі. Сярод навучальных кропак — агнявая, тактычная і медыцынская падрыхтоўка. Асобная ўвага надаецца прымяненню БПЛА і процідзеянню ім. Атрыманыя веды і навыкі афіцэрам запасу неўзабаве трэба будзе перадаць ваеннаслужачым асноўнага складу.

«Працягваюцца мерапрыемствы па прывядзенні артылерыйскай брыгады ў вышэйшую ступень баявой гатоўнасці. Сёння праводзіцца чарговы этап. Ён звязаны з своечасовай падрыхтоўкай афіцэраў запасу, якія былі спецыяльна прызваны ў брыгаду раней. У найкарацейшыя тэрміны яны павінны аднавіць свае навыкі і быць гатовымі неўзабаве пачаць прыём ваеннаслужачых асноўнага складу, перадаць ім свае веды і, самае галоўнае, сфарміраваць падраздзяленні, а таксама правесці мерапрыемствы баявога зладжвання», — адзначыў намеснік дзяржаўнага сакратара Савета Бяспекі Андрэй Гарбаценка. 

Ён указаў, што заняткі арганізаваны добра. «Я пагаварыў з афіцэрамі запасу — яны адзначаюць добры ўзровень правядзення заняткаў. Прадстаўнікі Дзяржаўнага сакратарыята Савета Бяспекі ўвесь час знаходзяцца ў брыгадзе, аналізуюць, абагульняюць звесткі аб ходзе выканання мерапрыемстваў. Ацэнка будзе дадзена пасля завяршэння ўсяго комплексу», — падкрэсліў намеснік дзяржаўнага сакратара Савета Бяспекі.