У Мінскай вобласці 14 кастрычніка пройдзе планавая праверка сістэмы апавяшчэння з уключэннем электрасірэн. Пра гэта БелТА паведамілі ў МНС.
Праверка будзе ажыццяўляцца з 9.00 да 13.00. Ратавальнікі просяць грамадзян захоўваць спакой. Ніякіх дзеянняў прадпрымаць не патрабуецца.
У МНС таксама дадалі, што праверка патрэбная для ацэнкі працаздольнасці абсталявання і забеспячэння гатоўнасці сістэмы да экстраннага выкарыстання.
