Паводле аператыўных звестак, з прычыны праходжання 1 ліпеня навальнічнага фронту з парывамі ветру да 20 м/с пацярпелі 6 населеных пунктаў у Гродзенскай і Мінскай абласцях. Былі пашкоджаныя дахі васьмі жылых дамоў і дзвюх гаспадарчых пабудоў. Вядуцца аднаўленчыя работы. 

У Гродзенскай вобласці зафіксаваныя 29 выпадкаў падзення дрэў на праезныя часткі аўтадарог. Дапамога ратавальнікаў спатрэбілася ў Ваўкавыскім, Воранаўскім, Гродзенскім, Навагрудскім, Іўеўскім, Ашмянскім, Свіслацкім, Смаргонскім, Шчучынскім раёнах і ў горадзе Гродна. 

У Мінскай вобласці работнікі МНС тры разы выязджалі на распілоўку паваленых дрэў у Валожынскім раёне і Маладзечне, дзе паваленым дрэвам пашкоджаны адзін легкавы аўтамабіль.

Пацярпелых няма. Падраздзяленні МНС працягваюць маніторынг аператыўнай абстаноўкі.