«Абедзве краіны пагадзіліся на неадкладнае і безумоўнае спыненне агню», — заявіў Анвар Ібрагім.

Паводле яго слоў, яно ўступіць у сілу 29 ліпеня ў 00:00 па мясцовым часе.

У Малайзіі 28 ліпеня адбыліся перагаворы паміж выконваючым абавязкі прэм’ер-міністра Тайланда Пхумтхамам Вечаячаем і кіраўніком кабміна Камбоджы Хун Манетам па ўрэгуляванні прыгранічнага канфлікту.

Прэм’ер Камбоджы Хун Манет адзначыў, што ў выніку ўзброеных сутыкненняў паміж дзвюма краінамі блізу 300 тысяч чалавек з абодвух бакоў сталі ўцекачамі. «У выніку баявых дзеянняў ёсць шмат загінулых і пацярпелых. Усяго каля 300 тыс. бежанцаў з абодвух бакоў. З боку Камбоджы 140 тыс., яшчэ 160 тыс. з боку Тайланда», — сказаў ён.

Узброеныя сутыкненні адбыліся ўздоўж камбоджыйска-тайландскай мяжы раніцай 24 ліпеня недалёка ад спрэчнай памежнай зоны ў правінцыі Оддар-Міенчэй.