— Уладзімір Сцяпанавіч — вопытны кіраўнік. Ён быў міністрам аховы здароўя ў вельмі складаныя часы — у перыяд пандэміі. А таксама старшынёй Гродзенскага аблвыканкама, віцэ-прэм’ерам, які курыраваў сацыяльную сферу. І вось новае прызначэнне — найважнейшае, на мой погляд, у кар’еры Уладзіміра Сцяпанавіча. Акадэмія навук, без перабольшання, найважнейшая звяно, без навукі сёння немагчыма нічога зрабіць. Наша стагоддзе — стагоддзе тэхналогій, навуковых адкрыццяў. Напярэдадні новага пяцігадовага цыкла, у перыяд распрацоўкі новых праграмных дакументаў урад ускладае вялікія надзеі на Акадэмію навук, на яе дапамогу ў працы, у выкананні задач, пастаўленых Кіраўніком дзяржавы, — сказаў Аляксандр Турчын.

На яго думку, Уладзімір Каранік арганічна ўпішацца ў калектыў НАН. 

— І ўсе мы разам будзем вырашаць вельмі складаныя задачы, якія стаяць перад нашай краінай. Урад і Акадэмія навук заўсёды працавалі разам, у тандэме, гэта будзе працягвацца і далей, мы будзем працаваць на карысць Беларусі. Хачу пажадаць поспехаў на новай ніве,-адзначыў прэм’ер-міністр.

Ён таксама падзякаваў за працу папярэдняга кіраўніка НАН Уладзіміра Гусакова. 

— Пад яго кіраўніцтвам Акадэмія навук дасягнула многіх значных вынікаў. Можна бясконца доўга іх пералічваць. Дзякуючы Уладзіміру Рыгоравічу наша навука выйшла на новы ўзровень. Упэўнены, што вопыт, веды Уладзіміра Рыгоравіча будуць карысныя нашай краіне і ў далейшым, — падкрэсліў кіраўнік беларускага ўрада.

Са свайго боку Уладзімір Каранік адзначыў высокія дасягненні Акадэміі навук. 

— Калектыў — гэта самае каштоўнае ў любой арганізацыі, а ў Акадэміі навук гэта 95% поспеху. Упэўнены, што ў акадэмічных інстытутаў і НАН у цэлым не толькі слаўная гісторыя, але і слаўная будучыня. Мы павінны памятаць дасягненні нашых папярэднікаў, каб іх развіваць і рухацца далей. Задачы перад намі стаяць маштабныя. Зараз адбываецца пераход на новы тэхналагічны ўзровень, глабальная барацьба за розумы і інавацыі. Наша задача — знайсці сваё месца ў гэтым свеце, які хутка змяняецца, забяспечыць нашу эканоміку прыкладнымі навуковымі распрацоўкамі, якія дазволяць нашай прадукцыі быць канкурэнтаздольнай на знешніх рынках, але не забываць і пра фундаментальную навуку, якая закладвае асновы для будучых пакаленняў. Гуманітарны кірунак таксама важны, гэта гісторыя, душа народа, якую мы павінны захаваць для таго, каб памятаць свае карані, захаваць сваю самабытнасць і ідэнтычнасць. Па меры магчымасці будзем падтрымліваць усе напрамкі, — падкрэсліў ён.

Уладзімір Каранік акцэнтаваў увагу на тым, што Беларусь займае другое месца ў СНД па расходах на навуку ў дачыненні да ВУП. 

— Паводле стратэгіі развіцця плануецца істотнае павелічэнне выдаткаў на навуку. Наша задача — забяспечыць, каб павелічэнне фінансавання прывяло да якаснага скачка ў навуковых распрацоўках, з’яўлення новых прарыўных праектаў, якімі мы ўсе будзем ганарыцца, — падкрэсліў старшыня Прэзідыума НАН.

Па матэрыялах БелТА

Фота БелТА