Прэзентацыя кнігі «Выбары ў Беларусі: толькі факты» адбылася 12 чэрвеня ў Нацыянальнай бібліятэцы. Даволі абшырнае выданне закранае шырокі спектр пытанняў, звязаных з правядзеннем палітычнай мадэрнізацыі краіны і буйных электаральных кампаній, праведзеных у 2024–2025 гадах, а таксама падрабязна расказвае пра ўсе этапы падрыхтоўкі і правядзення электаральных кампаній.

Па словах старшыні Цэнтральнай выбарчай камісіі Ігара КАРПЕНКІ, у гэтай кнізе сабраныя не толькі вынікі саміх выбараў і рэферэндумаў, але і фактура па міжнародным назіранні і па тых сацыялагічных апытаннях, якія пацвярджаюць даныя правядзення выбараў.

— Я думаю, сказаў ён, што яе можна будзе выкарыстоўваць і для правядзення інфармацыйных гадзін ва ўстановах адукацыі. Праз некалькі гадоў яны будуць упершыню галасаваць. Таму яны таксама мусяць разумець сваю функцыю як выбаршчыка. Акрамя гэтага, маладыя людзі павінны быць у курсе, што з 18 гадоў можна скарыстацца сваім выбарчым правам і стаць кандыдатам у дэпутаты мясцовых саветаў, напрыклад, — адзначыў ён.

Таксама падчас выступу міністр інфармацыі Марат Маркаў зазначыў, што такія кнігі павінны з’яўляцца ў першую чаргу.

— Справа ў тым, што вы выдатна бачыце, як скажаецца сёння гісторыя Беларусі. Прывучаючы нашых дзяцей выключна да інтэрнэту, мы рызыкуем атрымаць наступствы, калі яны будуць чытаць абсалютную няпраўду. Таму гэта кніга будзе мець пэўны сэнс фактчэкінгу, яна будзе пацвярджаць, як насамрэч было, — заявіў ён.

Лізавета ГОЛАД

Фота аўтара