У першую чаргу кіраўнік дзяржавы падзякаваў беларускаму лідару за запрашэнне наведаць Мінск і прыняць удзел у Еўразійскім эканамічным форуме і саміце ЕАЭС, а таксама, карыстаючыся выпадкам, павіншаваў Аляксандра Лукашэнку з перамогай на прэзідэнцкіх выбарах.

Мігель Дыяс-Канель Бермудэс падкрэсліў асабісты ўклад Прэзідэнта Беларусі ў развіццё двухбаковых адносін і яго асабістую ўцягнутасць у пошук сумесных рашэнняў на карысць абедзвюх краін.

«Нашы двухбаковыя адносіны маюць глыбокія гістарычныя карані дружбы і супрацоўніцтва, заснаваныя на ўзаемнай павазе, узаемнай карысці. Гэта адносіны паміж брацкімі народамі і ўрадамі, — падкрэсліў Прэзідэнт. — Куба мае палітычную волю надаць ім імпульс ва ўсіх напрамках, асабліва ў гандлёва-эканамічнай плоскасці».