У перыяд плённага старшынства Беларусі ў Еўразійскім эканамічным саюзе значна актывізавалася шматбаковае практычнае ўзаемадзеянне. Аб гэтым на пасяджэнні Вышэйшага Еўразійскага эканамічнага савета ў пашыраным складзе заявіў Прэзідэнт Узбекістана Шаўкат Мірзіёеў, паведамляе БелТА.
«Сёння ў выступленнях маіх калег прагучалі ацэнкі няпростай сітуацыі ў сусветнай эканоміцы. Мы ва Узбекістане ў поўнай меры адчуваем негатыўны ўплыў наступстваў узмацнення пратэкцыянізму і санкцыйнай палітыкі, парушэння гандлёва-лагістычных ланцужкоў і скарачэння інвестыцыйнай актыўнасці замежных партнёраў, — сказаў Прэзідэнт Узбекістана. — Адзначу, што далейшае пашырэнне і паглыбленне ўзаемавыгаднага супрацоўніцтва з краінамі ЕАЭС — нашымі натуральнымі і традыцыйнымі партнёрамі — з’яўляецца адным з прыярытэтных напрамкаў нашай знешнеэканамічнай палітыкі».
