Журналісты задалі Прэм’ер-міністру пытанне, якое датычыцца ўчарашняй сустрэчы з прадстаўнікамі літоўскіх і польскіх аўтаперавозчыкаў.

— Як вы ведаеце (учора гэта было ў сродках масавай інфармацыі), літоўскія і польскія перавозчыкі пісьмова звярнуліся да нашага Прэзідэнта з просьбай аказаць садзейнічанне ў вырашэнні сітуацыі, якая склалася, — нагадаў Прэм’ер-міністр. — Прэзідэнт даў даручэнне ўраду сустрэцца з імі і абмеркаваць усе пытанні. Учора ў нас адбылася прадуктыўная сустрэча, фактычна ўсе прысутныя выказаліся, задалі свае пытанні, мы на іх адказалі.

Па словах Аляксандра Турчына, па выніках учарашняй сустрэчы ўрад пісьмова далажыў Прэзідэнту аб яе рэзультатах і агучыў прапановы, якія бачыць урад па ўрэгуляванні гэтай сітуацыі.

— Літаральна сёння з раніцы адбылася размова з Кіраўніком дзяржавы, дзе я яшчэ раз падрабязна пра ўсё далажыў. Таму сёння Прэзідэнт валодае абсалютна ўсёй інфармацыяй для таго, каб прымаць рашэнне, — падкрэсліў Прэм’ер-міністр.

Як паведамлялася раней, замежныя перавозчыкі фактычна кінутыя на волю лёсу сваімі ўрадамі. З-за палітычна матываваных рашэнняў уласных уладаў, уключаючы абмежаванні на транзіт і закрыццё пунктаў пропуску, каля тысячы грузавікоў з літоўскай рэгістрацыяй аказаліся заблакіраваныя і пазбаўленыя магчымасці паўнавартасна працаваць на звыклых напрамках. Беларускі бок цягам чатырох месяцаў неаднойчы спрабаваў развязаць праблему з фурамі з літоўскай рэгістрацыяй палітыка-дыпламатычнымі спосабамі, але Вільнюс не ішоў на дыялог.