У ходзе гутаркі Прэзідэнт Венесуэлы адзначыў дружалюбны характар беларуска-венесуэльскіх адносін і выказаў гатоўнасць да іх далейшага развіцця па шырокім спектры кірункаў, уключаючы распрацоўку і зацвярджэнне плана сумесных дзеянняў, арганізацыю візітаў на розных узроўнях і правядзенне сумесных мерапрыемстваў.
Нікалас Мадура падкрэсліў значную ролю Прэзідэнта Рэспублікі Беларусь Аляксандра Лукашэнкі ва ўмацаванні міждзяржаўнага дыялогу і выказаў павагу да паслядоўнай палітыкі нашай краіны, накіраванай на забеспячэнне стабільнасці і развіцця дзяржавы.
Прэзідэнт Венесуэлы падзякаваў беларускаму боку за падтрымку ў кантэксце актуальнага рэгіянальнага парадку дня і пацвердзіў намер наведаць з візітам Беларусь.
