Найперш беларускі лідар падкрэсліў, што трэба ўзмацняцца па экспарце ў Расію прамысловай прадукцыі. «Сітуацыя ў Расійскай Федэрацыі, асабліва што тычыцца рынкаў збыту... Ведаеш, што пачынае прасядаць трохі прамысловасць. Хоць у цябе аптымізм у гэтым плане. Калі сапраўды ў нас пайшлі продажы па лёгкай прамысловасці, па іншых напрамках, нават „белая прамысловасць“ — халадзільнікі, пральныя машыны... Ёсць добрыя напрацоўкі і дзеянні. Гэта вельмі добра, выдатна. Вядома, трэба ўзмацняцца. Гэта пытанне нумар адзін. Таму што па экспарце мы не дапрацоўваем вельмі моцна», — заявіў Прэзідэнт. Ён папрасіў пасла прадставіць свой пункт гледжання, у тым ліку ўлічваючы папярэдні вопыт работы на пасадзе міністра прамысловасці.

Напярэдадні сваіх перагавораў з Прэзідэнтам Расіі, якія запланаваныя на пятніцу, Аляксандр Лукашэнка спытаў, якія ў нас ёсць праблемы ў Расійскай Федэрацыі. «Наконт нашых перагавораў, магчыма, ёсць нейкія пытанні. І ўражанні па нафце, па газе і гэтак далей. Па адзіным рынку, як ён развіваецца, — тое, што мы задумвалі і думалі. І тыя пытанні, якія ты хацеў пазначыць», — акрэсліў кола пытанняў беларускі лідар. 

Як адзначаў Аляксандр Рагожнік у размове з журналістамі двухбаковы парадак дня сустрэч беларускага і расійскага лідараў заўсёды насычаны. «Гэта і міжнародная частка. Гэта, безумоўна, абарона ўнутранага рынку ў рамках Саюзнай дзяржавы. Гэта і адзіная прамысловая палітыка, пытанні ў нафтагазавым сектары. Прэзідэнтам заўсёды ёсць што абмеркаваць. Трэба адзначыць, што невырашальных праблем з Расійскай Федэрацыяй сёння не існуе», — падкрэсліў пасол.

Фота БелТА