«Пробны перапіс у нас пройдзе ў кастрычніку 2027 года. Выбраны Бабруйскі раён. Мы пастараемся папрацаваць з 15 тыс. чалавек, якія будуць з намі працаваць непасрэдна па планшэтах», — сказала Іна Мядзведзева.

Паралельна з гэтым, адзначыла яна, на ўсю краіну будзе запушчаны прататып інтэрнэт-перапісу, і кожны ахвочы зможа ў 2027 годзе пратэставаць адпаведнае праграмнае забеспячэнне.

Як паведамлялася, пробны перапіс насельніцтва праводзіцца па рашэнні Савета Міністраў не пазней як за два гады да правядзення асноўнага перапісу насельніцтва. Гэта прадугледжана прынятым сёння ў першым чытанні законапраектам «Аб змяненні Закона Рэспублікі Беларусь «Аб перапісе насельніцтва».

Праграма перапісу насельніцтва абавязкова ўключае пытанні па асноўных дэмаграфічных, адукацыйных, эканамічных, нацыянальна-этнічных характарыстыках, жыллёвых умовах і міграцыі насельніцтва.