Продаж адзінага страхавання аўтамабіляў у Беларусі і Расіі пачнецца 23 красавіка. Пра гэта паведамляе БелТА са спасылкай на Міністэрства фінансаў Беларусі.

У Саюзнай дзяржаве ўводзіцца новы від дагавора абавязковага страхавання грамадзянскай адказнасці ўладальнікаў транспартных сродкаў — дагавор саюзнага страхавання, які дзейнічае на тэрыторыі Беларусі і Расіі. Гэта дазволіць беларускім аўтаўладальнікам, якія заключылі такі дагавор, не набываць дадатковы дагавор міжнароднага страхавання пры выездзе ў Расію. З улікам дамоўленасцей з Расіяй яго заключэнне будзе ажыццяўляцца толькі ў электронным выглядзе. Такое рашэнне замацавана ўказам Прэзідэнта Беларусі ад 18 сакавіка 2025 года нумар 108 «Аб страхаванні».

Фота з адкрытых крыніц