Паводле звестак выдання, на борце, акрамя двух пілотаў, знаходзіліся сам бізнесмен, яго жонка і двое дзяцей ва ўзросце чатырох і двух гадоў, іх нянька, а таксама сябры сям’і. Усяго ў самалёце было дзевяць чалавек, ніхто не выжыў. Адным з пілотаў была 20-гадовая дзяўчына, якая атрымала ліцэнзію пілота тры гады таму.
Як паведамлялася, 1 лістапада бізнес-джэт Learjet 60 разбіўся ў раёне горада Грынэйкрс у акрузе Палм-Біч. Пры крушэнні самалёт зачапіў дрэва і пашкодзіў лініі электраперадачы. Прычына аварыі пакуль невядомая, аднак следчыя высветлілі, што судна трапіла ў моцную турбулентнасць і пачало разбурацца яшчэ да сутыкнення з зямлёй.