24 верасня ў 13.04 на нумар 112 ад суседзяў паступіла інфармацыя аб задымленні ў кватэры па вул. Брэсцкай у Мінску. Да месца выкліку аператыўна выехалі падраздзяленні МНС.

Падчас разведкі ратавальнікі ўстанавілі, што на трэцім паверсе ў жылым пакоі двухпакаёвай кватэры загарэлася маёмасць. У аконным праёме кухні работнікі МНС выявілі мужчыну, які знаходзіўся ў прытомнасці. Пацярпелага вывелі на свежае паветра і перадалі медыкам. Пасля агляду мужчыну шпіталізавалі.

Ратавальнікі ліквідавалі пажар. На месцы здарэння працавала сем адзінак тэхнікі МНС. Прычына здарэння высвятляецца.