Паводле інфармацыі выдання, чысты прыбытак за 2025 год знізіўся прыкладна на 49 % — з 10,4 млрд еўраў да 5,3 млрд еўра.

Сярод прычын, якія аказалі негатыўны ўплыў, называюцца тарыфы, негатыўны ўплыў абменнага курсу, а таксама жорсткая канкурэнцыя з боку кітайскіх вытворцаў.

У публікацыі выдання таксама гаворыцца, што выручка аўтавытворцы знізілася на 9 % — да 132,2 млрд еўра. А аперацыйны прыбытак да выліку працэнтаў і падаткаў упаў на 57 % — да 5,82 млрд еўра.

Як паведамляе нямецкая служба навін Tagesschau, Mercedes-Benz фіксуе зніжэнне прыбытку ўжо трэці год запар. Пры гэтым адзначаецца, што падзенне прыбытку з кожным годам становіцца ўсё больш рэзкім.