Як паведамлялася, надзвычайнае здарэнне ў дзесяціпавярховым доме на вул. Косарава ў Гомелі адбылося 17 снежня. Папярэдняй прычынай была названа ўспышка газапаветранай сумесі ў кватэры на сёмым паверсе. У выніку абваліліся пліты перакрыццяў кватэр. Аператыўна была праведзена эвакуацыя жыхароў. 

«Эпіцэнтрам выбуху з’явілася кухня кватэры нумар 107. Выбуху папярэднічаў працэс пажару, які ўзнік у кухоннай шафцы, размешчанай побач з газавай плітой», — растлумачыў начальнік УСК.

Пасля высветлілася, што пры НС загінула жанчына. Яе цела было знойдзена падчас разбору будаўнічых канструкцый.

Жыхары пацярпелага пад’езда былі расселеныя. Тым, каму не было дзе спыніцца, прадастаўлены прытулак. 

Будаўнікі прыступілі да аднаўленчых работ.

Сітуацыя застаецца на кантролі абласных і гарадскіх улад.