Top.Mail.Ru

Псіхолаг расказала, як перастаць спускаць зарплату на шопінг

Схільнасць да частых пакупак звязана з недахопам адпачынку і спробай кампенсаваць гэта праз атрыманне дафаміну


Некантраляваная цяга да пакупак часта выклікана стомленасцю і спробай атрымаць хуткі дафамін, аднак з гэтай праблемай можна справіцца самастойна, расказала псіхолаг Наталля Кэры, перадае РІА «Новости».

«Па-першае, паглядзіце, ці дастаткова вы адпачываеце. Схільнасць купляць усё запар звязана з тым, што вам проста не хапае адпачынку, вам не хапае хуткага дафаміну, і вы такім чынам яго спрабуеце атрымаць. У выніку вы ўвесь месяц цяжка працуеце, зусім не адпачываеце, сіл у вас ні на што няма. І вы ў надзеі хоць нечым сябе парадаваць ідзяце ў бліжэйшы гандлёвы цэнтр», — растлумачыла спецыяліст.

Каб пазбегнуць гэтага, важна разнастаіць свой вольны час, каб шопінг не быў адзінай крыніцай радасці, раіць эксперт. Другі спосаб, які дапамагае адмовіцца ад лішніх трат — гэта паўза перад пакупкай.

«Дайце сабе суткі, а яшчэ лепш — двое. Калі за два дні ідэя купіць гэту цудоўную сукенку, гэтыя прыгожыя туфлі вас не адпусціла, то, магчыма, сапраўды ёсць сэнс парадаваць сябе. Але справа ў тым, што за гэты часавы прамежак 80% пакупак, якія вы хацелі здзейсніць, у вас ужо адпадуць», — расказала псіхолаг.


Паводле яе слоў, дапамагаюць і фінансавыя абмежаванні — выкарыстанне толькі наяўных або строга фіксаванай сумы на карце. Яшчэ адзін спосаб кантролю пакупак — прыцягненне да шопінгу блізкіх людзей, не схільных да марнатраўства. Разважлівы спадарожнік зможа своечасова спыніць ад неабдуманай траты.

Псіхолаг адзначыла, што радаваць сябе пакупкамі трэба, калі гэта не наносіць шкоду бюджэту і не выклікае пачуцця віны. Яна таксама прапануе напаўняць кошык на маркетплэйсе без афармлення заказу альбо пераключацца на невялікія пакупкі ў бюджэтных крамах.

«І памятайце: самае галоўнае, каб вы кантралявалі сітуацыю, а не сітуацыя кантралявала вас», — падсумавала псіхолаг.

arrow
Нашы выданні

Толькі самае цікавае — па-беларуску!

Напішыце ў рэдакцыю